Mijëra njerëz u mblodhën në qytetin Gondomar në Portugali për ti dhënë lamtumirën e fundit futbollistit të Liverpoolit, Diogo Jota dhe vëllait të tij, të cilët humbën jetën gjatë një aksidenti rrugor.
Diogo Jota, 28 vjeç babai i tre fëmijëve vetëm 11 ditë më parë u martua. Ai po udhëtonte me makinën Lamborghni drejt Liverpoolit, pasi ishte këshilluar që të mos fluturonte për shkak të një ndërhyrjeje të vogël kirurgjikale.
Ish-kapiteni Jordan Henderson nuk i mbajti dot lotët teksa vendoste një kurorë me një mesazh prekës: “Prehu në paqe, miku im, bashkë me vëllain tënd André. Do na mungosh të gjithëve.”
Në stadiumin Molineux të Wolves, ish-klubi i tij dhe tifozët lanë homazhe. Në Wimbledon, tenisti portugez Francisco Cabral veshi një shirit të zi, ndërsa në ndeshjen e Euro 2025 për femra mes Danimarkës dhe Suedisë u mbajt një minutë heshtje.
Ndërsa varrimi i Jotës do të zhvillohet këtë të shtunë në orën 10:00 në Igreja Matriz de Gondomar.
