Qytetarët e Durrësit dolën sot në rrugë për të shprehur indinjatën pas aksidentit tragjik ku humbën jetën dy fëmijë të mitur.
Marshimi nisi nga vendi i ngjarjes në zonën e Ish-Kënetës dhe po vijon drejt Bashkisë së qytetit, me qytetarë që mbajnë fotografitë e viktimave dhe pankarta që kërkojnë drejtësi dhe reagim të menjëhershëm nga autoritetet.
“Dy jetë të mitura u fikën nga pakujdesia dhe papërgjegjshmëria. Një nga fëmijët tanë është ende në spital, duke luftuar për jetën. Kjo nuk duhet të ndodhë në një qytet ku fëmijët duhet të ndihen të sigurt. Duam përgjegjësinë e plotë për ata që shkaktuan këtë tragjedi dhe masat që do pengojnë që diçka e tillë të përsëritet”, – thanë qytetarët gjatë marshimit.
