Presidentja e Kosovës, Vjosa Osmani, ka zhvilluar një takim me deputetët e Parlamentit të Mbretërisë së Bashkuar, Martin Vickers dhe Paul Foster, përfaqësues të grupeve të miqësisë me Kosovën në parlamentin britanik.
Gjatë takimit u diskutua për marrëdhëniet e shkëlqyera mes Kosovës dhe Mbretërisë së Bashkuar, si dhe për mundësitë e thellimit të bashkëpunimit në fusha si partneriteti ekonomik, mbrojtja, pozicioni ndërkombëtar i Kosovës dhe objektivat euroatlantike.
Presidentja Osmani i falënderoi deputetët për përkushtimin e tyre në mbështetje të Kosovës dhe theksoi rëndësinë e forcimit të mëtejshëm të marrëdhënieve ndërmjet dy vendeve.
Deputetët Vickers dhe Foster riafirmuan mbështetjen e tyre të fortë për popullin dhe shtetin e Kosovës.
