Një aksident tragjik në një gurore në Mamurras përfundoi me arrestimin e administratorit të saj, 60-vjeçarit Sefulla Halili, banues në Fushë-Kuqe.
Ai u ndalua nga policia pasi gjatë hetimeve të ngjarjes ku humbi jetën punëtori 38-vjeçar Petrit Prenga, u dyshua për shkelje të rregullave të sigurisë në punë.
Ngjarja ndodhi gjatë punës pranë mullirit të bluarjes së gurëve, ku punëtori u godit aksidentalisht nga pjesa lëvizëse e makinerisë, duke pësuar dëmtime të rënda fatale.
