Ditën e sotme presidenti amerikan, Donald Trump ka pritur në takim sekretarin e Përgjithshëm të NATO-s, Mark Rutte. Në takim ishin të pranishëm edhe zëvendëspresidenti JD Vance dhe Sekretari i Shtetit Marco Rubio.
“Jam shumë i pakënaqur me Rusinë për luftën në Ukrainë,” tha Trump.
Ai theksoi dëshirën e tij për t’i dhënë fund luftës në Ukrainë, duke u shprehur se është “i zhgënjyer” nga presidenti Vladimir Putin. Gjithashtu paralajmëroi vendosjen e tarifave të ashpra nëse nuk arrihet një marrëveshje brenda 50 ditëve.
“Do të vendosim tarifa sekondare, dhe ato do të jenë 100%,” deklaroi Trump.
