Sot në mëngjes rreth orës 08:50 në lagjen “Partizani” në Shkodër ndodhi një aksident rrugor ku u përfshinë një makinë dhe një biçikletë.
Drejtuesi i makinës, Y.D., dyshohet se humbi kontrollin e automjetit dhe për pasojë përplasi një burrë 72-vjeçar, Sh.B., i cili po ecte me biçikletë.
I lënduari u dërgua me urgjencë në spitalin rajonal të Shkodrës, ku po merr trajtimin e duhur mjekësor.
Ndërkohë, autoritetet kanë nisur hetimet dhe po vijojnë procedurat ndaj drejtuesit të makinës për të zbardhur shkaqet e aksidentit.
