Presidenti i Republikës Bajram Begaj priti sot Admiralin Pierre Vandier, komandantin e komandës supreme të aaleancës për transformimin të NATO-s.
Në këtë takim Begaj theksoi rëndësinë e bashkëpunimit të ngushtë dhe përkushtimin e Shqipërisë për rritjen e buxhetit të mbrojtjes deri në vitin 2035 si dhe kontributin e vendit në misionet e NATO-s në rajon.
“Samiti i Hagës ishte historik për të ardhmen e Aleancës Veri-Atlantike dhe një garanci e qartë që NATO do të jetë më e fortë, më e bashkuar dhe më kohezive. Në përmbushje të vendimeve të këtij samiti, ne kemi rikonfirmuar angazhimin tonë për të vazhduar rritjen e buxhetit të mbrojtjes dhe për të siguruar kapacitetet e nevojshme për t’u përballur me kërcënimet dhe sfidat e së ardhmes. Prezenca e misioneve tona në Kosovë dhe Ballkanin Perëndimor mbetet një element kyç për stabilitetin e rajonit dhe sigurinë europiane.”
