Patrullat e përbashkëta shqiptaro-italiane po operojnë në zonat bregdetare të Durrësit dhe Vlorës për të rritur sigurinë publike në zonat turistike me fluks të madh.
Ambasadori italian në Shqipëri Marco Alberti së bashku me drejtorin e Policisë së Shtetit, Ilir Proda, vizituan patrullat dhe theksuan rëndësinë e bashkëpunimit për një ambient të sigurt për turistët.
Proda theksoi se ky model bashkëpunimi është një mesazh i qartë se Shqipëria është një destinacion i sigurt dhe mikpritës.
Ambasadori Alberti u shpreh se në të ardhmen do të ketë shkëmbime të punonjësve policorë mes dy vendeve për të forcuar edhe më tej bashkëpunimin profesional.
