Në një ceremoni të zhvilluar sot, 270 asistentë të rinj për fëmijë dhe nxënës me nevoja të veçanta kanë diplomuar, duke iu bashkuar 486 të tjerëve që janë angazhuar gjatë qeverisjes aktuale.
Kryeministri në detyrë i Kosovës, Albin Kurti, theksoi rëndësinë e mbështetjes për këtë kategori të fëmijëve si pjesë e vizionit të tij për një shtet më të përfshirë dhe solidar.
“Mënyra se si kujdesemi për fëmijët që kanë nevojë për më shumë mbështetje, tregon shumë për shtetin që duam të ndërtojmë,” tha Kurti, duke shtuar se programi i ndihmës për fëmijët me nevoja të veçanta do të zgjerohet me logoped, psikolog, aktivitete sportive dhe rekreative të posaçme.
