Meksika, Shtetet e Bashkuara dhe Kanadaja kanë nisur në Mexico City raundin e parë të negociatave për rishikimin e marrëveshjes tregtare USMCA, në një proces që vjen nën presionin e diskutimeve për tarifat dhe politikat tregtare.
Ministria e Ekonomisë së Meksikës njoftoi se bëhet fjalë për një fazë fillestare zyrtare të konsultimeve, ku palët synojnë të përcaktojnë hapat e ardhshëm për rishikimin e përbashkët të marrëveshjes.
USMCA, e cila rishikohet çdo gjashtë vjet, është thelbësore për ekonominë meksikane, pasi SHBA mbetet partneri kryesor tregtar dhe destinacioni i mbi 80% të eksporteve të saj.
Raundi i parë i negociatave pritet të zgjasë deri të premten, ndërsa takime të tjera janë planifikuar për muajt qershor dhe korrik në Uashington dhe Mexico City.
