Kryetari i Partisë ‘Shqipëria Bëhet’ Adriatik Lapaj i kërkoi Endri Shabanit që të dalë dhe të japë zyrtarisht dorëheqjen nga mandati. Të njëjtën gjë tha se do ta bëjë edhe vetë dhe kështu sipas Lapajt mandati t’i shkojë kandidates më të votuar nga Shqipëria Bëhet.
“E ftoj Shabanin që të japim dorëheqjen dhe ti lëmë mandatin kandidatit më të votuar të Shqipëria Bëhet. Shabani kërkon që mandati të shkojë tek ai dhe jo tek kandidatja më e votuar e Shqipëria Bëhet, Greta Ambeli.
Disa kërkojnë që unë të mbaj fjalën dhe e mbaj por nuk mund t’i mbaja këto në publik. Por që t’i bëj këto, mandati duhet të vijë përpara tek unë. Pse nuk mund t’ja dorëzoj mandatin zotit Shabani? Ai përfaqëson një parti tjetër, koalicioni ka qenë për zgjedhje. Së dyti se ai nuk është më i votuari” tha ai.
