Qeveria greke u ka kërkuar punonjësve në natyrë të pezullojnë aktivitetet e tyre për shkak të temperaturave të larta. Gjithashtu edhe Akropoli është mbyllur.
Ministria e Krizave Klimatike dhe Mbrojtjes Civile e Greqisë paralajmëroi se temperaturat do të arrijnë kulmin nga e marta deri të premten, duke arritur deri në +43°C në disa rajone.
Punëtorëve u këshillohet të pezullojnë punën në natyrë gjatë pjesës më të nxehtë të ditës.
Ndërsa turistëve dhe banorëve u kërkohet që të shmangin nxehtësinë dhe turmat, të përdorin ventilatorë ose kondicionerë, të veshin rroba të lehta që marrin frymë, të hanë ushqime të lehta, të pinë shumë ujë dhe të shmangin alkoolin.
