Presidenti i Shteteve të Bashkuara, Donald Trump tha se Xi Jinping e ka ftuar dhe se mund ta vizitojë Kinën së shpejti.
“Jo menjëherë, por as shumë larg. Më kanë ftuar shumë njerëz dhe ne do t’i marrim këto vendime shumë shpejt”, shtoi ai.
Sipas Reuters ndihmësit e Trumpit dhe Xisë kanë diskutuar për një takim të mundshëm mes udhëheqësve gjatë një udhëtimi në Azi që Trump do të realizojë më vonë gjatë këtij viti.
Trump ka propozuar një tarifë bazë prej 10% për të gjitha mallrat e importuara nga të gjitha vendet, me norma më të larta për disa shtete të veçanta, përfshirë Kinën. Importet nga Kina aktualisht përballen me normën më të lartë të tarifave, prej 55%.
