Ditën e sotme një aksident ka ndodhur në Peshkopi ku u plagosën një çift bashkëshortësh. Gruaja u dërgua në spitalin e Traumës në Tiranë, po ndërroi jetë. Gruaja Arta Çera ishte infermere në spitalin rajonal të Dibrës.
Me anë të një postimi spitali rajonal i Dibrës ka shprehur ngushëllimet për familjarët, të afërmit, miqtë dhe kolegët e Arta Çera.
“Me hidhërim të thellë njoftojmë se si pasojë e një aksidenti të rëndë automobilistik është ndarë nga jeta kolegja jonë e dashur dhe e përkushtuar, Arta Çera.
Si një infermiere e shkëlqyer në pavionin e reaminacionit, ajo ishte një shembull i vërtetë i përkushtimit, humanizmit dhe profesionalizmit në çdo hap të punës së saj të përditshme.
Spitali Rajonal Dibër i shpreh ngushëllimet e sinqerta familjarëve, të afërmve, miqve dhe kolegëve. Stafi i Spitalit Rajonal Dibër jemi të gjithë me ju në këto ditë të vështira dhe ju sigurojmë për mbështetjen tonë të plotë.
Qoftë i paharruar kujtimi i saj!”, thuhet në postimin e spitalit rajonal të Dibrës.
EMRI/ Aksidenti në Peshkopi, ndërron jetë gruaja tek spitali i Traumës
