Zjarre masive janë regjistruar në Qipro, ku dy persona kanë humbur jetën. Ata kishin mbetur të bllokuar në Qipron Jugore brenda një automjeti që u përfshi nga flakët pranë fshatit Malia. Trupat e pajetë u gjetën nga autoritetet vendase.
Ndërkohë më shumë se 250 zjarrfikës janë në luftë me flakët. Qiproja ka kërkuar ndihmë ndërkombëtare përmes mekanizmit të mbrojtjes civile të BE-së.
Jordania ka nisur dy avionë zjarrfikës dhe Spanja ka shprehur gatishmërinë për të ndihmuar.
