Ambasada Amerikane në Tiranë me anë të një postimi njofton se Zyra e Ndihmës për Antiterrorizmin e Departamentit të Shtetit të SHBA trajnoi 12 specialistë nga SPAK dhe Policia, kryesisht në hetimet kibernetike.
Në njoftim thuhet se specialistët mësuan hollësitë e sistemit operues Mac dhe praktikuan aftësi praktike për të gjetur dheanalizuar të dhëna kritike në mbështetje të hetimeve kibernetike.
“Këtë javë, 12 specialistë nga SPAK dhe Policia e Shtetit Shqiptar morën pjesë në kursin “Praktikat më të Mira Mjekoligjore në Macintosh”. Trajnimi u zhvillua nga Zyra e Ndihmës për Antiterrorizmin të Departamentit të Shtetit përmes Zyrës Rajonale të Sigurisë së Ambasadës.
Specialistët mësuan hollësitë e sistemit operues Mac dhe praktikuan aftësi praktike për të gjetur dhe analizuar të dhëna kritike në mbështetje të hetimeve kibernetike. Ekspertiza dhe udhëheqja amerikane në teknologji është thelbësore për mbrojtjen e Shteteve të Bashkuara dhe aleatëve tanë nga kërcënimet kibernetike”, shkruan Ambasada Amerikane në Tiranë.
