Një automjet zjarrfikës është përfshirë nga flakët gjatë ndërhyrjes për shuarjen e një zjarri në fshatin Jaran, njësia administrative Bajzë, në Malësi të Madhe.
Incidenti ndodhi si pasojë e përhapjes së shpejtë të flakëve për shkak të erës së fortë.
Fatmirësisht, asnjë nga zjarrfikësit nuk ka pësuar lëndime.
Në ndihmë të tyre kanë mbërritur edhe tre automjete të tjera zjarrfikëse, të cilat kanë mundur të vendosin situatën nën kontroll.
Autoritetet lokale kanë nisur hetimet për të zbuluar shkakun e zjarrit, ndërsa Malësia e Madhe mbetet zona më e prekur nga vatrat e zjarrit në Qarkun e Shkodrës.
