Këtë javë, Egnatia dhe Dinamo do të nisin pjesëmarrjen e tyre në turin e tretë të Ligës së Konferencës Europiane, ku shorti ka rezervuar për ta përballje jo të lehta.
Egnatia do të ndeshet me Olimpija Ljubljanën, ndërsa Dinamo do të përballet me Hajduk Splitin.
Skuadrat shqiptare janë të fokusuar në këto sfida, ndërsa nesër do të mësojnë edhe kundërshtarët potencialë në fazën e play-off-it, nëse kalojnë më tej.
Egnatia ka përparësinë që hyn në short me koeficient më të lartë, duke qenë në vazon e ekipeve të forta, ndërsa Dinamo do të jetë në vazon e ekipeve të dobëta, duke u përballur me rrezikun e përballjes me skuadra të mëdha si Fiorentina apo Kristal Palas në fazën e mëvonshme.
