Një situatë absurde po ndodh në Bulçes të Ri, Kamëz, ku oborri i shkollës 9-vjeçare “Ibrahim Basha” është shndërruar në tokë bujqësore dhe aktualisht është mbjellë me misër.
Sipas denoncimeve nga banorët, edhe trualli pranë Qendrës Shëndetësore është “pushtuar” dhe po përdoret për interesa private. Në disa raste, hapësirat publike janë shfrytëzuar edhe për të futur bagëti.
Banorët kërkojnë reagim urgjent nga autoritetet për të rikthyer funksionin e këtyre hapësirave publike në shërbim të komunitetit.
