Ditën e sotme janë prezantuar administratorët e rinj të njësisë administrative në Fier. Në takim ishin të pranishëm edhe zv.kryeministrja Belinda Balluku, kryetari i Bashkisë Fier Armando Subashi, deputetja Antoneta Dhima, si dhe deputetët e rinj të qarkut Fier, Ceno Klosi dhe Ramion Kurti.
Balluku gjatë fjalës së saj ka theksuar rëndësinë e përfshirjes së burimeve të reja njerëzore në administratën vendore, për të forcuar shërbimin ndaj qytetarëve.
Ndërsa kryebashkiaku Subashi ka theksuar nevojën për bashkëpunim të ngushtë midis njësive administrative dhe bashkisë në funksion të projekteve zhvillimore të qytetit dhe zonave përreth.
