Një 17-vjeçar hapi zjarr në Times Square të Nju Jorkut, ku si pasojë tre persona mbetën të plagosur.
Incidenti ndodhi në orët e para të mëngjesit të së shtunës, rreth orës 01:20. Sipas policisë kanë mbetur të plagosur një vajzë 18-vjeçare me plage të lehtë në qafë, një 19-vjeçar është qëlluar në këmbën e djathtë, ndërsa një burrë 65 vjeç është plagosur në këmbën e majtë.
Ata u transportuan në spital dhe ndodhen në gjendje të qëndrueshme. Ndërsa policia e Nju Jorkut ka njoftuar se një person është ndaluar dhe po merret në pyetje në lidhje me ngjarjen, megjithëse ende nuk janë ngritur akuza zyrtare.
