Mijëra qytetarë dolën në rrugë në disa qytete të Izraelit për të kundërshtuar planin e qeverisë për të zgjeruar ofensivën ushtarake në Gaza.
Mes protestuesve ishin edhe familjarë të 50 pengjeve që mbahen nga Hamasi – 20 prej tyre mendohet se janë ende gjallë.
Protestuesit kanë frikë se ky plan mund të rrezikojë jetën e pengjeve dhe i kërkojnë qeverisë të fokusohet te lirimi i tyre, jo përshkallëzimi i luftimeve.
Nga ana tjetër, kryeministri Netanyahu ka deklaruar se ky operacion do ndihmojë në kthimin e pengjeve në shtëpi.
Tensionet janë shtuar edhe më shumë pasi në një tjetër sulm në Gaza humbën jetën 2 gazetarë dhe 3 kameramanë të Al Jazeera-s.
