Policia e Kosovës ka arestuar një person, pasi i është gjetur drogë që kap vlerën e rreth 300 mijë eurove.
Sipas njoftimit, H.K (1994), u arrestua në Prizren më 11 gusht dhe gjatë kontrolleve të realizuara në dy lokacione, autoritetet gjetën substancë të dyshuar narkotike të llojit kokainë, në peshë totale prej 4 kilogramë e 440 gramë.
Në cilësinë e provave materiale kanë sekuestruar edhe peshore elektronike, 260 euro para të gatshme, pajisje për vakumimin e qeseve plastike, telefon dhe një motoçikletë. Ndërsa policia po vazhdon hetimet për këtë rast.
