Kryetari i Bashkisë Gramsh Besion Ajazi kërkoi nga banorët e fshatrave Nartë dhe Skënderbegas të largohen menjëherë nga banesat, duke e cilësuar situatën si emergjente.
Ai theksoi se zjarri ka djegur gjithçka dhe se janë duke u marrë masa për shpëtimin e pasurive ndërsa shtoi se evakuimi ka nisur që në orët e para të mëngjesit.
Ajazi apeloi për qetësi dhe bashkëpunim nga banorët dhe konfirmoi se forcat zjarrfikëse dhe helikopterët janë angazhuar intensivisht për të menaxhuar krizën.
