Zjarret e ditëve të fundit kanë shkaktuar dëme të mëdha në bujqësi, blegtori, banesa dhe një viktimë.
Policia e Shtetit njofton se shumica e zjarreve rezultojnë të qëllimshme.
Nga qershori deri më 14 gusht janë identifikuar 137 autorë të zjarrvënieve, nga të cilët 46 janë arrestuar dhe 91 janë nën hetim.
Disa janë kapur në flagrancë përmes dronëve.
Forcat e policisë vijojnë të ndihmojnë në terren në shuarjen e flakëve dhe bëjnë apel për ndërgjegjësim: ndezja e zjarreve është vepër penale dhe do të ndëshkohet.
