Kreu i Partisë Demokratike, Sali Berisha u paraqit sot në ambientet e SPAK, në zbatim të masës së sigurisë “detyrim paraqitje”, të caktuar nga gjykata për dosjen “Partizani” që është në gjyq në themel. Pasi u paraqit dhe doli, Berisha lëshoi një mori akuzash, si cdo herë ndaj kryeministrit Edi Rama dhe kreut të SPAK-ut, Altin Dumani.
“Rama sulmoi me egërsi një prokurore me mbiemrin Gjeli (për rastin e Thethit), e cila kishte zbatuar atë që kërkohej në Policinë e Shkodrës. A dëgjuat ju një fjalë të institucioneve që të merrnin në mbrojtje këto dy prokurore?! Asnjë fjalë! Heshtje varri! Ndërkohë KLGJ mbron Irena Gjokën me tre vepra penale. KLGJ nuk mori asnjë vendim” tha Berisha.
