Kryeministri britanik Sir Keir Starmer ka mbërritur në Shtetet e Bashkuara, ku do të takohet me udhëheqësit e Francës, Italisë, Gjermanisë, Finlandës, si dhe me përfaqësuesit e Komisionit Europian dhe NATO-s në Shtëpinë e Bardhë.
Vizita e tij vjen në një moment të rëndësishëm diplomatik, vetëm pak ditë para takimit të presidentit ukrainas Volodymyr Zelensky me presidentin amerikan Donald Trump, pas bisedimeve të fundit mes Trump dhe Putinit në Alaska.
Gjatë qëndrimit në Uashington, Starmer do të marrë pjesë në takime të nivelit të lartë për të diskutuar situatën në Ukrainë dhe marrëdhëniet transatlantike.
