Presidenti amerikan Donald Trump la të hapur mundësinë e dërgimit të trupave amerikane në Ukrainë për të garantuar zbatimin e një marrëveshjeje të mundshme paqeje me Rusinë.
Ai theksoi se, nëse arrihet paqja, SHBA do të jetë e përfshirë, edhe pse rolin udhëheqës në këtë proces do ta ketë Evropa.
“Do t’i ndihmojmë. Edhe ne do të jemi pjesë e këtij procesi,” u shpreh Trump, duke shtuar se nuk ka dyshime që një marrëveshje paqeje mund të funksionojë nëse arrihet.
Ndërkohë, ai ritheksoi që një armëpushim nuk është i domosdoshëm për të nisur negociatat, duke lënë të kuptohet se bisedimet mund të zhvillohen edhe gjatë kohës së konfliktit.
