Ushtria izraelite ka njoftuar personelin mjekësor dhe organizatat humanitare në veri të Rripit të Gazës që të përgatiten për evakuimin e civilëve drejt jugut, përpara një operacioni ushtarak që synon kontrollin e kësaj zone.
Kryeministri Benjamin Netanyahu theksoi se edhe nëse Hamasi pranon armëpushimin, Izraeli do të marrë kontrollin e Gazës.
“Ne do ta bëjmë pavarësisht kësaj. Nuk kishte kurrë dyshim se nuk do ta linim Hamasin atje,” tha ai.
Netanyahu shtoi se lufta mund të përfundojë nëse Hamasi dorëzon armët dhe liron pengjet e mbetura, por theksoi se qëllimi i Izraelit është “çlirimi i Gazës nga tirania e Hamasit”, duke paralajmëruar pushtimin e fortifikimeve të fundit të organizatës.
