“Lamtumirë mik kohësh të tjera dhe e gjetsh matanë paqen për shpirtin”! Kështu shkruan kryeministri Edi Rama në një postim në Facebook dedikuar largimit nga kjo jetë të gazetarit dhe publicistit të njohur, Artur Zheji.
Zheji ishte duke drekuar me familjen në një restorant në afërsi të rrugës “Butrinti” në Sarandë kur shfaqi probleme shëndetësore.
Ai u dërgua me urgjencë drejt spitalit të qytetit, por pavarësisht përpjekjeve të mjekëve, nuk arritën ta kthenin në jetë.
Paraprakisht, dyshohet se gazetari ndërroi jetë për shkak të arrestit kardiak.
