Mesfushori i Kombëtares shqiptare, Kristjan Asllani, i ka dhënë fund aventurës së tij me Interin, duke u transferuar te skuadra e Torinos.
Pas tre vitesh në radhët e zikaltrëve, Asllani zyrtarizoi largimin përmes një letre prekëse drejtuar tifozëve.
Në mesazhin e tij, Asllani e cilëson fanellën e Interit si një ëndërr fëmijërie që u bë realitet dhe falënderon klubin, shokët e skuadrës dhe stafin për mbështetjen gjatë kësaj kohe.
Ai shprehet se gjithmonë ka dhënë maksimumin për të nderuar këtë fanellë dhe se Interi do të mbetet përgjithmonë në zemrën e tij.
Transferimi i Asllanit te Torino vjen në kërkim të më shumë hapësirave dhe një roli më të rëndësishëm në fushë, në prag të sezonit të ri të Serie A.
