Policia e Durrësit ka arrestuar në flagrancë ish-kryeinspektorin e IMT-së Ardian Halili i cili po ndërtonte pa leje një kompleks turistik privat me 11 kabina një godinë dykatëshe dhe fushë minifutbolli në Ishëm, mbi një sipërfaqe prej 5,600 m².
Ndërtimet u bënë gjatë viteve 2018-2021, ndërkohë që Halili mbante funksionin e kryeinspektorit, duke shkelur ligjin dhe duke abuzuar me detyrën.
Materialet janë referuar SPAK-ut për veprat penale “ndërtim i paligjshëm”, “korrupsion” dhe “shpërdorim detyre”.
Policia thekson se do të vazhdojë luftën kundër ndërtimeve të paligjshme dhe abuzimeve në Durrës.
