Policia e Tiranës arrestoi katër persona me mbi 1 kg kokainë. Armet Latifaj 25 vjeç dhe Gëzim Pashaj 30 vjeç (në foto lart) janë dy nga të dyshuarit e arrestuar se shpërndanin doza kokaine në zona të ndryshme të kryeqytetit.
Dy të tjerët e arrestuar janë Jastin Zaimi 18 vjeç dhe Petros Koronoias 18 vjeç (grek), të cilët nuk kanë kallëzuar ngjarjen, megjithëse kanë qenë në dijeni të aktivitetit të paligjshëm.
Gjatë kontrolleve, u sekuestruan 1 kg e 65 gram kokainë, dy automjete tip “Benz”, katër aparate celularë dhe një shumë parash, të gjitha të dyshuara si të përfituara nga aktiviteti kriminal.
Dyshohet se të arrestuarit përdornin automjete të ngjashme për të shpërndarë lëndën narkotike dhe për të shmangur vëmendjen e autoriteteve.
