Presidenti Bajram Begaj reagoi pas ngjarjes tragjike në Lisbonë. Një tren historik ‘Gloria’ doli nga shinat dhe si pasojë u vranë 17 persona.
Begaj shprehu ngushëllimet për familjet e viktimave dhe u uroi shërim të shpejtë të lënduarve.
“I trishtuar nga incidenti tragjik në Elevador da Glória në Lisbonë. Ngushëllimet e mia më të thella për familjet që kanë pësuar një humbje të tillë. Mendimet e mia janë me të lënduarit, të cilëve u uroj një shërim të shpejtë dhe të plotë”, shkruan Begaj në platformën X.
