Një burrë 52-vjeçar shqiptar, Durim Lusha u arrestua pas 19 vitesh në arrati. Ai u arrestua teksa po pinte një pije në një bar të një stacioni benzine në periferi të Tavianos në Itali.
Shqiptari u zbulua nga një tatuazh i një gruaje gjysmë të zhveshur në parakrahun e djathtë.
Lusha tashmë ndodhet në një qeli në Borgo San Nicola, një burg në periferi të Leçes, ku do të vuajë një dënim me 10 vjet burg që u bë i formës së prerë në prill 2006 pas një vendimi të Gjykatës së Apelit.
