Një ngjarje e rëndë ka ndodhur sonte rreth orës 19:30 në fshatin Llapashticë të komunës së Podujevës ku një person është gjetur i vrarë me armë zjarri.
Policia është njoftuar për të shtëna me armë dhe ka dalë menjëherë në vendin e ngjarjes, ku ka gjetur trupin e pajetë të një mashkulli.
Vdekja e viktimës u konfirmua nga ekipi mjekësor që ka mbërritur në vend.
Policia dhe prokuroria kanë nisur hetimet intensive për zbardhjen e plotë të rrethanave të ngjarjes dhe identifikimin e autorëve të dyshuar.
