I penduari i drejtësisë, Nuredin Dumani, u shtrua me urgjencë mbrëmjen e djeshme në reanimacionin e Kardiologjisë në QSUT, për shkak të problemeve me zemrën.
Burime nga gazetarja Klodiana Lala për BalkanWeb bëjnë me dije se pas një sërë analizash të specializuara, nuk u konstatuan gjurmë droge apo alkooli. Sidoqoftë, analizat për helmim kërkojnë më shumë kohë për të dalë.
Për shkak të statusit të tij si i penduar i drejtësisë, ekspertët nuk përjashtuan fillimisht një tentativë kriminale ndaj tij.
Por, për shkak se gjendja u stabilizua dhe nuk kishte nevojë për ndërhyrje mjekësore, Dumani u rikthye në qelitë e paraburgimit pas 24 orësh qëndrimi në spital.
