Janë zbardhur të tjera detaje nga atentati me armë zjarri në Shkodër, ku mbeti i vrarë Armando Pali dhe u plagosën dy persona të tjerë.
Armando Pali, që humbi jetën si pasojë e të shtënave, ka qenë më herët anëtar i Këshillit Bashkiak të Shkodrës.
Ai ndodhej në një lokal në qendër të qytetit, pranë bashkisë, në momentin e atentatit.
Mësohet se Pali ishte duke konsumuar kafe me Ergen Vason (alias Ergen Brajoviç), i cili dyshohet të ketë qenë shënjestra e sulmit me armë.
Vaso ka mbetur i plagosur nga breshëria e kallashnikovit, ndërsa një punonjës i lokalit është gjithashtu plagosur rastësisht.
