Katari ka paralajmëruar Këshillit të Sigurimit të Kombeve të Bashkuara, duke deklaruar se nuk do të pranojë “sjellje të pamatura” nga Izraeli dhe përçarjen e vazhdueshme të sigurisë në rajon.
Ky paralajmërim nga Katari erdhi pas sulmit të Izraelit që goditi udhëheqësit e Hamasit në Doha.
Në një letër drejtuar OKB-së, ambasadorja e Katarit, Alya Ahmed Saif Al-Thani, dënoi me forcë këtë “sulm kriminal frikacak”, që sipas saj përbën një shkelje të hapur të ligjeve dhe normave ndërkombëtare.
“Hetimet janë në nivelet më të larta dhe detajet do të bëhen publike sapo të jenë të disponueshme,” tha ajo, duke e cilësuar sulmin si një “përshkallëzim serioz”.
