Kosova arriti një fitore të rëndësishme në stadiumin “Fadil Vokrri”, duke mundur Suedinë me rezultatin 2-0 në ndeshjen e dytë të kualifikueseve për Botërorin 2026.
Golin e parë e shënoi Rexhbecaj në minutën e 26-të pas një asistimi të gjatë, ndërsa në minutën e 42-të, Muriqi shënoi golin e dytë falë një pasimi nga Rrahmani.
Në pjesën e dytë, Suedia shtoi presionin, por nuk arriti të gjejë gol.
Me këtë fitore, Kosova mban vendin e dytë në grup, duke grumbulluar 3 pikë më shumë se Suedia, ndërsa Zvicra kryeson me një diferencë prej 3 pikësh pas fitores 3-0 ndaj Sllovenisë.
