Kryeministri polak, Donald Tusk ka konfirmuar se gjatë natës janë regjistruar 19 shkelje të hapësirës ajrore të vendit nga dronë rusë.
Tusk tha se Polonia do të kërkojë zyrtarisht aktivizimin e Neni 4 të Traktatit të NATO-s.
“Fakti që këta dronë, të cilët paraqisnin kërcënim për sigurinë, u rrëzuan, e ndryshon situatën politike. Për këtë arsye, konsultimet me aleatët morën formën e një kërkese zyrtare për aktivizimin e Nenit 4 të Traktatit të NATO-s”, tha Tusk.
Ai shtoi se “Neni 4 i Traktatit të NATO-s thotë se Palët do të këshillohen bashkërisht kurdoherë që, sipas mendimit të cilësdo prej tyre, kërcënohet integriteti territorial, pavarësia politike apo siguria e cilësdo prej palëve”.
