Ardian Ismajli zyrtarisht është prezantuar te Torino. Mbrojtësi i Kombëtares la Empolin dhe u bashkua me Torinon në Serie A. Ai tha se ndihet si kapiten kur del në fushë, edhe pse pa shiritin në krah.
“Jam këtu prej disa javësh dhe ndihem shumë mirë. Qyteti më pëlqen shumë, edhe bashkëshortes sime. Torino është një klub me histori dhe tifozë të jashtëzakonshëm, prandaj kur më kontaktuan, nuk hezitova”, u shpreh ai.
Sa i përket rolit në skuadër, Ismajli tha se ndihet gjithmonë si lider.
“Jam ndjerë gjithmonë kapiten edhe pa shirit. Me Shqipërinë pata nderin ta mbaj shiritin, një moment historik për familjen time. Dua t’i ndihmoj të rinjtë, sepse vetë kam kaluar vështirësi dhe di si t’i përballoj”, vijoi mbrojtësi.
