Kreu i SPAK, Altin Dumani,në një deklaratë për mediat theksoi angazhimin e plotë të Prokurorisë së Posaçme AntiKorrupsion në luftën kundër korrupsionit. Dumani tha se Kushtetuta garanton funksionimin e SPAK dhe realizimin e kompetencave të tij në mënyrë të pavarur.
Ai informoi se çdo vit, Prokuroria e Posaçme paraqet një raport të detajuar para Këshillit të Lartë të Prokurorisë, ndërsa kontrolli gjyqësor mbi hetimet dhe vendimet është një element i rëndësishëm i procesit.
“Përparimi i sistemit të administrimit të çështjeve është duke ecur dhe ne shpresojmë që deri në fund të vitit ai të jetë plotësisht funksional,” u shpreh Dumani.
Gjithashtu theksoi se për të arritur sukses, SPAK duhet të demonstrojë rezultate konkrete, maturi dhe integritet në zbatimin e ligjit.
