Shefi në largim i MI6, Inteligjencës Sekrete Britanike, Richard Moore gjatë një konference për shtyp tha se nuk sheh “asnjë provë” që presidenti rus Vladimir Putin ka ndonjë interes për paqe.
“Ai kërkon të imponojë vullnetin e tij perandorak me të gjitha mjetet që ka në dispozicion. Por nuk mund të ketë sukses”, tha Moore.
“Thjesht, Putini ka kafshuar më shumë sesa mund të përtypë. Ai mendoi se do të fitonte lehtë. Por ai – dhe shumë të tjerë – i nënvlerësuan ukrainasit”, shtoi ai.
Më pas Moore tha se pushtimi kishte forcuar identitetin kombëtar ukrainas dhe kishte përshpejtuar trajektoren e saj drejt perëndimit, si dhe kishte shtyrë Suedinë dhe Finlandën të bashkoheshin me NATO-n.
“Putini është përpjekur ta bindë botën se fitorja ruse është e pashmangshme. Por ai gënjen. Ai gënjen botën. Ai gënjen popullin e tij. Ndoshta ai gënjen edhe veten”, tha Moore.
