Presidenti ukrainas Volodymyr Zelensky njoftoi se gjatë një sulmi ajror të Rusisë gjatë natës, të paktën 3 persona kanë humbur jetën dhe mbi 30 janë plagosur në disa rajone të Ukrainës.
Ai akuzoi Moskën se po synon me qëllim infrastrukturën civile për të frikësuar popullatën dhe për të dëmtuar kapacitetet jetike të vendit.
Sipas mediave, forcat ajrore ukrainase raportuan se Rusia ka përdorur 619 dronë dhe raketa gjatë sulmeve. Nga ana tjetër, Ministria e Mbrojtjes së Rusisë tha se ka goditur objektiva ushtarako-industriale me “armë precize”.
Në përgjigje, Rusia raportoi se katër persona u vranë në rajonin Saratov nga një sulm me dron i Ukrainës, ku sipas Kievit u godit një rafineri nafte. Një rafineri tjetër u dëmtua në rajonin fqinj të Samarës.
