Olta Xhaçka e rizgjedhur deputete më 11 maj, vazhdon të ketë probleme me drejtësinë. Gjykata e Lartë caktoi datën 21 tetor për shqyrtimin e rekursit të eurodeputetit Fred Beleri, i cili kërkon që Prokuroria e Posaçme të nisë hetimet ndaj ish-ministres së Mbrojtjes dhe bashkëshortit të saj, Artan Gaçi.
Beleri i kishte denoncuar Xhaçkën dhe Gaçin, si dhe ish-kryebashkiakun Jorgo Goro, për tjetërsimin e pronave në Gjilekë, ku kompania e Gaçit ka marrë statusin e investitorit strategjik.
SPAK arrestoi dhe ndiqte penalisht Goron për shpërdorim detyre, ndërsa ndaj Xhaçkës dhe Gaçit nuk nisi procedim. Beleri ka kundërshtuar vendimin në gjykatat më të ulëta dhe tani çështja shqyrtohet në Gjykatën e Lartë.
Nëse rekursi pranohet, mandati i Xhaçkës mund të vihet në pikëpyetje.
