Kryetari i Kuvendit, Niko Peleshi ka thirrur në një takim nesër krerët e grupeve parlamentare. Kjo me qëllim që të plotësohen karriget bosh të anëtarëve të 11 komisioneve të përhershme, në mënyrë që ato të nisin punën.
Takimi do të zhvillohet në orën 11:00 me rendin e ditës “Miratimin e listës së anëtarëve dhe anëtarëve zëvendësues të komisioneve të përhershme të Kuvendit”.
Gjithashtu pritet edhe që Partia Demokratike të parashtrojë në Konferencën e Kryetarëve edhe kërkesën për anulimin e seancës së votimit pa debat të qeverisë, por edhe mocionin për shkarkimin e Niko Peleshit.
