Policia e Tiranës ka arrestuar një 42-vjeçar, pasi vodhi një automjet me qëllim shitjen për skrap.
42-vjeçari me iniciale A.A., ditën e djeshme në rrugën “Niko Avrami”, ka vjedhur automjetin në pronësi të E. A., dhe më pas e ka dërguar në një pikë skrapi, me qëllim shitjen e tij.
Gjithashtu ka nisur procedimi në gjendje të lirë për B. Gj., 38 vjeç, pasi gjatë kontrollit në pikën e skrapit, në pronësi të tij, u gjet dhe u sekuestrua automjeti i vjedhur.
Ndërsa materialet procedurale i kaluan Prokurorisë, për veprime të mëtejshme.
