Presidenti ukrainas, Volodymyr Zelensky, njoftoi se do të zhvillojë një javë intensive diplomacie ndërkombëtare gjatë hapjes së Asamblesë së Përgjithshme të OKB-së në Nju Jork.
Në një fjalim të mbajtur mbrëmë, ai njoftoi takime me dhjetëra liderë botërorë, duke theksuar: “Ne mund të arrijmë shumë nëse partnerët tanë na dëgjojnë dhe mbështesin propozimet që vërtet kontribuojnë në përfundimin e luftës.”
Zelensky nënvizoi rëndësinë e partneritetit ndërkombëtar, duke shtuar se Ukraina mund të arrijë shumë nëse mbështetet nga aleatët e saj.
Ai gjithashtu komentoi sanksionet e reja të BE-së ndaj Rusisë, që synojnë të godasin ekonominë e Moskës, duke përfshirë një përshpejtim të ndalimit të importeve të gazit rus deri në vitin 2027.
