Pas një bisede telefonike me Presidentin e SHBA-së Donald Trump, Presidentja e Komisionit Evropian Ursula von der Leyen njoftoi se mbeten të përkushtuar për zbatimin e plotë të marrëveshjes së dakordësuar me SHBA.
Me anë të një postimi në rrjetin e saj X, tha se biseda me Trump ka qenë e kënaqshme.
Postimi i Ursulas
Pata një telefonatë shumë të mirë me Donald Trump. Diskutuam situatën në Lindjen e Mesme dhe koordinimin tonë të ngushtë me partnerët rajonalë.
Jemi të bashkuar që Irani nuk duhet të zotërojë kurrë një armë bërthamore. Zhvillimet e fundit kanë treguar qartë se rreziqet për stabilitetin rajonal dhe sigurinë globale janë shumë të mëdha.
Diskutuam gjithashtu marrëveshjen tregtare BE-SHBA. Mbetemi plotësisht të përkushtuar, nga të dyja palët, për zbatimin e saj. Po bëhet përparim i mirë drejt uljes së tarifave deri në fillim të korrikut.
